Saturday 09 April 2016

ទំព័រដើម សកម្មភាព

សាក៖ មន្ត្រី​បក្ស​សមរង្ស៊ី​ថ្កោល​ទោស​ការ​សម្រេច​បិទ​ជំរំ​ជន​ភៀស​ខ្លួន​នៅ​កម្ពុជា

សាក៖

ក្រុម​តំណាងរាស្ត្រ ២៨​រូប​ពី​ខាង​គណបក្ស សម រង្ស៊ី បាន​ថ្កោលទោស​យ៉ាង​ខ្លាំង​ទៅ​នឹង​ការ​សម្រេច​ថ្មីៗ​របស់​រដ្ឋាភិបាល​កម្ពុជា ក្នុង​ការ​បិទ​មជ្ឈមណ្ឌល​ជួយ​ជន​ភៀស​ខ្លួន​ក្នុង​ទីក្រុង​ភ្នំពេញ ដែល​គ្រប់គ្រង​ដោយ​ឧត្ដម​ស្នងការ​អង្គការ​សហប្រជាជាតិ​ទទួល​បន្ទុក​ជន​ភៀស​ ខ្លួន (UNHCR)។

ជន​ភៀស​ខ្លួន​ដែល​កំពុង​ស្នាក់​នៅ​ក្នុង​មជ្ឈមណ្ឌល​នោះ​មាន​ចំនួន ៧៦​នាក់ ជា​ជន​ជាតិ​ភាគ​តិច​ម៉ុងតាញ៉ា ដែល​រត់​គេច​ពី​ការ​តាម​ធ្វើ​ទុក្ខបុកម្នេញ​ដោយ​រដ្ឋាភិបាល​វៀតណាម។

រដ្ឋាភិបាល​កម្ពុជា គ្រោង​បញ្ជូន​ជន​ភៀស​ខ្លួន​ចំនួន ១៤​នាក់​ក្នុង​ចំណោម​មនុស្ស​ចំនួន ៧៦​នាក់​នោះ​ទៅ​ប្រទេស​វៀតណាម​វិញ បន្ទាប់​ពី​ពួកគេ​ទើប​បាន​មក​កម្ពុជា គេច​ពី​សមត្ថកិច្ច​វៀតណាម ដែល​តាម​ចាប់។

ក្រុម​អ្នក​តំណាងរាស្ត្រ​ទាំង ២៨​រូប​ខាង​លើ​នេះ បាន​ស្នើ​ឲ្យ​រដ្ឋាភិបាល​កម្ពុជា ពិចារណា​ឡើង​វិញ​ចំពោះ​ការ​សម្រេច​ចិត្ត​មួយ​ដែល​ក្រុម​អ្នក​តំណាងរាស្ត្រ​ ចាត់​ទុក​ថា ធ្វើ​ឡើង​ដ៏​តក់ក្រហល់​នេះ ហើយ​អនុញ្ញាត​ឲ្យ​អង្គការ UNHCR បន្ត​បំពេញ​បេសកកម្ម​មនុស្សធម៌​របស់​គេ​ឲ្យ​បាន​ចប់​ចុង​ចប់​ដើម។

ក្រុម​អ្នក​តំណាងរាស្ត្រ​ទាំង​នេះ​បាន​ជំរុញ​ឲ្យ​រដ្ឋាភិបាល​កម្ពុជា គោរព​កាតព្វកិច្ច​មនុស្សធម៌ និង​បទដ្ឋាន​អន្តរជាតិ​ផ្សេងៗ ដែល​មាន​ចែង​ក្នុង​ច្បាប់​របស់​កម្ពុជា រួម​នឹង​អនុសញ្ញា​អន្តរជាតិ​ស្តី​អំពី​ជន​ភៀស​ខ្លួន​របស់​អង្គការ​ សហប្រជាជាតិ នៅ​ឆ្នាំ​១៩៥១៕

Related Posts