នៅព្រឹកថ្ងៃទី២៥ ខែឧសភា ឆ្នាំ២០១១ ប្រជាពលរដ្ឋសហគមន៍ព្រៃឡង់មកពីខេត្តចំនួនបួន គឺខេត្តកំពង់ធំ ក្រចេះ ស្ទឹងត្រែង និងព្រះវិហារ ដែលរួមមានជាតិភាគតិចផង បានប្រមូលផ្តុំគ្នានៅលើទីលានប្រជាធិបតេយ្យក្បែរវត្តភ្នំ ក្នុងរាជធានីភ្នំពេញ ដើម្បីធ្វើការតវ៉ាទាមទារឲ្យរដ្ឋាភិបាលអភិរក្សព្រៃឡង់ ដែលជាព្រៃធំជាងគេនៅអាស៊ីអាគ្នេយ៍មួយនេះ។ ចំពោះការទាមទារនេះ គឺត្រូវបានគាំទ្រដោយ អ្នកតំណាងរាស្រ្តគណបក្ស សម រង្ស៊ី និងអង្គការសង្គមស៊ីវិលមួយចំនួន ដែលបានចូលរួមផ្ទាល់ជាមួយពលរដ្ឋសហគមន៏ទាំងនោះ ៕
